Ставрески ја претстави Македонија во фондацијата „Херитиџ“

Bez autora

Apr 25 2010

Поедноставување на административните постапки за стопанството, редуцирање на регулативата, таксите и тарифите, намалување на трошоците за почнување нови бизниси, се само мал дел од реформите спроведени изминативе години со кои Македонија оствари огромен напредок според индексот на економска слобода. Ова е само дел од вчерашната презентацијата на вицепремиерот и министер за финансии Зоран Ставрески во седиштето на фондацијата „Херитиџ“ во Вашингтон, јави известувачот на МИА. Ставрески ќе зборува и за предностите на Македонија како бизнис-дестинација, како и за континуираните напори и заложби на Владата да креира бизнис-клима поволна и привлечна за странските инвеститори. Во Извештајот на фондацијата „Херитиџ“ за 2010 година, Македонија е рангирана 22 места погоре од лани. Со 65,7 индексни поени е на 56 место од вкупно 184 земји во светот. Изминативе години беше на 78. место со 61,2 индексен поен.

Ставрески ја претстави Македонија во фондацијата „Херитиџ“ Поедноставување на административните постапки за стопанството, редуцирање на регулативата, таксите и тарифите, намалување на трошоците за почнување нови бизниси, се само мал дел од реформите спроведени изминативе години со кои Македонија оствари огромен напредок според индексот на економска слобода.

Ова е само дел од вчерашната презентацијата на вицепремиерот и министер за финансии Зоран Ставрески во седиштето на фондацијата „Херитиџ“ во Вашингтон, јави известувачот на МИА.

Ставрески ќе зборува и за предностите на Македонија како бизнис-дестинација, како и за континуираните напори и заложби на Владата да креира бизнис-клима поволна и привлечна за странските инвеститори.

Во Извештајот на фондацијата „Херитиџ“ за 2010 година, Македонија е рангирана 22 места погоре од лани. Со 65,7 индексни поени е на 56 место од вкупно 184 земји во светот. Изминативе години беше на 78. место со 61,2 индексен поен.

Истражувањето на „Херитиџ“ се заснова на 10 параметри: бизнис-слобода, слобода на увоз-извоз, фискална слобода, финансиска слобода, монетарна слобода, трошоци на Владата, криминал и корупција, слобода на инвестирање, работнички права и сопственички права.

Презентацијата на Ставрески, кој од завчера престојува во Вашингтон, е пред утрешниот официјален почеток на пролетните средби што ги организираат Светската банка и Меѓународниот монетарен фонд.